Қазіргі уақытта Қазақстан өңірлерінде көктемгі су тасқынына қарсы күрес жүріп жатыр. Олардың ауқымы 30 жылда ең үлкен болып саналған 2012 және 2017 жылдардағы су тасқыны деңгейінен асып түсті.
Қаражат «Freedom Шапағат» арнайы қайырымдылық қорынан (Freedom Holding Corp. компаниясының еншілес компаниясы) «Демеу Қазақстан қоры» корпоративтік қорының шотына аударылады, деп хабарлайды ERNUR.KZ.
«Қазір біздің отандастарымыз, яғни үлкен отбасымыздың бір бөлігі үлкен сынақтан өтіп жатыр, ал біз мұндай жағдайда бей-жай отыра алмаймыз. Біз осындай қиын уақытта қашанда бірге болып, көмекке мұқтаж жандарға қолымыздан келгенше жәрдем көрсетуіміз керек. Отандастарымыз қалыпты өмірге тезірек оралуы үшін біз «бір жағадан бас, бір жеңнен қол шығарып», бұл қиындықты жұмыла жеңеміз деген сенімдемін», - дейді Freedom Holding Corp. компаниясының Бас атқарушы директоры Тимур Турлов.
