Қапшағайда кафеде төбелес шығарған полицейлер қызметінен қуылды

0
585

Қапшағай дәмханаларының бірінде үш полицей мас күйінде төбелес шығарды деп айыпталды.


Қапшағайда кафеде төбелес шығарған полицейлер қызметінен қуылды

ERNUR.KZ. Қапшағайдағы кафелердің бірінде төбелескен үш полицей полиция қызметінен босатылды, деп жазады stan.kz.

Полиция қызметкерлері теріс қылықтары үшін жұмыстан шығарылды. Сонымен қатар топтық төбелес бойынша Қылмыстық кодекстің "Бұзақылық" бабы бойынша қылмыстық іс қозғалды.

"Полиция қызметкерлерінің оқиғаға қатысуы – шектен шыққан факт, сондықтан олар теріс әрекеттері себебімен ішкі істер органдарынан шығарылды. Олардың әрқайсысының кінәсі қылмыстық істі тергеу кезінде анықталады. Бақылауда ұстамаған тікелей басшылардың әрекеті қызметтік тергеу нәтижелері бойынша қаралады", – деп хабарлады департаменттің баспасөз қызметі.


Естеріңізге сала кетейік, Қапшағай дәмханаларының бірінде үш полицей мас күйінде төбелес шығарды деп айыпталды. Тәртіп сақшыларының түнгі оқиғаға қатысы көшедегі бейнебақылау камерасынан түсірілген бейнежазбамен расталды, ол кейін әлеуметтік желілерде таралды.