Жаңаарқа ауданы әкімінің орынбасары, жер комиссиясының төрағасы 200 мың теңге пара алды деген күдікке ілінген.
ERNUR.KZ. Қарағанды облысында әкімнің орынбасары мен өңірдегі еңбек инспекциясы басқармасының инспекторы аса ірі көлемде пара алды деген күдікпен ұсталды, деп жазады tengrinews.kz.
Шенеуніктердің ұсталған сәтіндегі видео Желіде жарияланды. Видеоны Сыбайлас жемқорлыққа қарсы күрес қызметі жариялады.
Видеода - Жаңаарқа ауданының әкімдігі. Ер адамды дәлізде ұстаған. Оның қалтасынан бір бума ақшаны алады. Ары қарай видеоға күдіктілерді түсірген. Содан кейін көлікте тінту жүргізілгені түсірілген. Мұнда екі мың теңгелік купюралар шыққан.
Айта кетейік, Жаңаарқа ауданы әкімінің орынбасары, жер комиссиясының төрағасы 200 мың теңге пара алды деген күдікке ілінген. Мемлекеттік қызметкер жер телімін ұзақ жылға жалға алу үшін оң шешім шығарып бергені үшін пара алған болуы мүмкін.
