Елімізде соңғы екі айда коронавирус жұқтыру деңгейі 4,5 есеге азайған.
ERNUR.KZ. Бұл туралы бүгін өткен Үкімет отырысында Денсаулық сақтау министрі Алексей Цой айтты, деп жазады baq.kz.
Оның хабарлауынша, репродуктивтік мөлшер 0,96-ға тең. Сондай-ақ еліміздің бас дәрігері алдағы айлардағы эпидахуалға болжам жасады.
Пессимистік сценарий бойынша қараша айында орташа тәуліктік тіркелген жағдайда 1800 жағдайға дейін, желтоқсанда – 2 350 жағдайға дейін құрайды. Реалистік сценарийге сәйкес, қарашада – 1650 жағдайға дейін, желтоқсанда – 1600 жағдайға дейін жетеді. Оптимистік сценарий бойынша: қарашада – 1500 жағдайға дейін, желтоқсанда – тәулігіне 1100 жағдайға дейін жетеді, - деді Денсаулық сақтау министрі.
Ведомство басшысының айтуынша, Денсаулық сақтау министрлігі жергілікті атқарушы органдармен бірлесіп коронавирус инфекциясының алдын алу мен эпидемияға қарсы іс-шараларға мониторинг жүргізу және оны іске асыру жалғасуда.
Еске сала кетейік, бұған дейін елімізде соңғы екі айда коронавирус жұқтыру деңгейі 4,5 есеге азайғандығы туралы жазған болатынбыз.