Ең қымбат тұрғын үйді жалға алатын елдер: Бермуд, Гонконг, Сингапур.
ERNUR.KZ. Қазақстанда абаттандырылған тұрғын үйді жалға алу құны бір жылда тоғыз пайызға, ал абаттандырылмаған тұрғын үйді жалға алу құны төрт пайызға өсті. Бұл ретте Қазақстан тұрғын үйді жалға алу құны бойынша арзан елдердің бірі болып қалуда: бұл рейтингте 138 елдің ішінде 107-орында тұрмыз, деп жазады Stan.kz.
Тұрғын үйді жалға алу құны бойынша әлем елдерінің рейтингінде Қазақстан 2021 жылдың басында 138-ден 107-ші орынды иеленді. Рейтинг Нью-Йорктағы бға бойынша елдерде жалға алу қаншалықты қымбат немесе арзан екенін бағалайды, оның индексі - 100. Егер елдің индексі 110 болса, онда жалдау Нью-Йоркке қарағанда 10 пайызға қымбат тұрады. Егер, мысалы, 95 пайыздан аз болса, онда бұл америкалық мегаполиске қарағанда бес пайызға арзан, дейді сарапшылар.
Қазақстанның рейтингтегі индексі небәрі 9,31-ді құрады.
Ең қымбат тұрғын үйді жалға алатын елдер: Бермуд, Гонконг, Сингапур. Рейтинг бойынша ең арзан тұрғын үйді Ауғанстаннан табуға болады.
Бұл ретте 2020 жылғы желтоқсанда Қазақстанда абаттандырылған тұрғын үйді жалға алудың орташа құны бір шаршы метр үшін 1,6 мың теңгені құрады - бір жыл бұрынғыға қарағанда 9,3 пайызға артық. Қарашамен салыстырғанда абаттандырылған тұрғын үйді жалға алу құны 1,2 пайызға өсті.
Еліміздің ірі қалалары мен мегаполистерінің арасында секторда жалға алу бағасы ең жоғары Нұр-Сұлтан (2,9 мың теңге), Алматы (2,3 мың теңге) және Ақтау (2 мың теңге) қалаларында тіркелді. Ал ең төменгісі Семейде (шаршы метріне 1,2 мың теңге).
Абаттандырылмаған тұрғын үйді жалдаудың орташа құны бір шаршы метр үшін 848 теңгені құрады - бір жыл бұрынғыға қарағанда 3,5 пайызға қымбат. Бір ай ішінде жалдау құны шамалы - 0,5 пайызға өсті.
Абаттандырылмаған тұрғын үйдің ең жоғары бағасы Алматыда (1,6 мың теңге), Нұр-Сұлтанда (1,6 мың теңге) және Талдықорғанда (бір шаршы метрге 1,1 мың теңге) байқалады.
