Қазақстанда 5% мөлшерлемемен жаңа ипотекалық бағдарламаны іске қосу ұсынылды.
ERNUR.KZ. Бұл туралы ҚХП төрағасы Ермұхамет Ертісбаев мәлімдеді, деп жазады 7kun.kz.
Ол жобаның операторы болып «Қазақстан Тұрғын үй компаниясын» тағайындауды ұсынды. Бағдарлама салынып жатқан тұрғын үйдің және жалпы жылжымайтын мүліктің нақты бағасын ескеретін болады.
«Жаңа ипотека қазақстандықтарға жеке тұрғын үй сатып алуға көмектеседі және жаппай жұмыссыздыққа жол бермей, құрылыс саласын қолдайды», – деді Ертісбаев.
Ертісбаев жаңа тұрғын үй бағдарламасының қажеттілігін түсіндірді. Оның айтуынша, көпшілікке қол жетімді «7-20-25» ипотекасында бірқатар шектеулер бар.
«Тұрғын үйдің максималды құны 25 млн теңгені құрайды. Мегаполистердегі жылжымайтын мүліктің қазіргі бағасы сұмдық. Сонымен қатар, осы бағдарлама бойынша сіз тек дайын пәтерді ала аласыз. Біздің нарықта мұндай тұрғын үй жоқ, барлығы құрылыс сатысында сатылуда. Нәтижесінде жоба бойынша бюджетті игеру өте баяу жүріп жатыр. Сонымен қатар, жақын арада «7-20-25 «тоқатылады», — деп еске салды ҚХП басшысы.
Ертісбаев сонымен қатар сатып алу сұранысының қысқарғанын атап өтті. Тұрғын үй бағасы өсуде, ал халықтың табысы төмендеуде.
«Зейнетақы жинақтарын алу шегін көтеру халықтың тұрғын үй сатып алуға және ипотеканы жабуға пайдалануын айтарлықтай шектеді. Қазіргі жағдай 2008-2009 жылдардағы қаржы дағдарысы кезеңіне ұқсайды, бұл кезде мемлекет алданған үлескерлердің мәселелерін өз қаражаты есебінен шешуге мәжбүр болды. Енді құрылыс компаниялары қайтадан банкротқа ұшырай бастаса, тарих қайталанады, ал бізде бұл нарықты қорғайтын құрал жоқ», — деді ол.
