Қазақстанда екі университеттің атауы өзгереді

0
400

Құжат 24 шілдеге дейін қоғамдық талқылау үшін Ашық НҚА веб-сайтына жарияланған.


Қазақстанда екі университеттің атауы өзгереді

ERNUR.KZ. Ғылым және жоғары білім министрлігі екі университеттің жаңа атауларын қарастыратын бұйрық дайындады, деп жазады zakon.kz.

Атап айтқанда, "Оңтүстік Қазақстан мемлекеттік педагогикалық университеті" КЕАҚ-ны "Оңтүстік Қазақстан педагогикалық университеті" КЕАҚ деп атау ұсынылып отыр. Сонымен қатар университетке Өзбекәлі Жәнібеков есімі берілмек.

Түсіндірілгендей, университетке Өзбекәлі Жәнібеков есімін беру жоғары оқу орындарының профессорлық-оқытушылық құрамының мәртебесін арттырып, Қазақстан ғалымының университет ғылымының дамуына қосқан үлесін жоғары бағалайтынын көрсетеді.

Бұл ретте "А.Байтұрсынұлы атындағы Қостанай өңірлік университеті" КЕАҚ атауының транскрипциясы "Ахмет Байтұрсынұлы атындағы Қостанай өңірлік университеті" КЕАҚ болып өзгереді.

Құжат 24 шілдеге дейін қоғамдық талқылау үшін Ашық НҚА веб-сайтына жарияланған.