Әйелдерге қарсы жасалған қорлау және зорлық-зомбылық әрекеттерінен кейін 2021 жылы арнайы әйелдерге арналған вагондар ашылған болатын.
ERNUR.KZ. Қазақстанда вагондардың толуына байланысты ер адамдар әйелдерге арналған орындарға орналаса алады, деп жазады stan.kz.
Журналист Самат Каримов, жақын туыстары әйелдерге арналған вагоннан билет алып жатқан кезде ер адамдарға да ол жерден орын беретінін байқаған.
"Тексеріс басталды. Қолыма билетімді ұстап тұрдым. Кондуктор билеті жоқ жолаушыларға қожайыны әлі мінбеген вагондардан орын тауып берді" - дейді журналист.
Кәрімов ер адамдардың әйелдер вагонына жайғасуына билет сатып алудың жаңа жүйесі кінәлі деп болжады. Оның айтуынша, қазақстандықтар билетті неғұрлым ерте сатып алатын болса, соғұрлым арзанырақ болатын көрінеді. Сол себепті жолаушылар бір ай бойы орындардың бар-жоғын қадағалап отыруы керек.
Еске сала кетейік, әйелдерге қарсы жасалған қорлау және зорлық-зомбылық әрекеттерінен кейін 2021 жылы арнайы әйелдерге арналған вагондар ашылған болатын. 2018 жылы "Тұлпар-Тальго" пойызында жолсерік болып жұмыс істеген екі ер адам жолаушыны зорлаған еді. Азаматтар бес жылға бас бостандығынан айырылды. Белсенділердің айтуынша, жаза өте жеңіл болған.
Әйелдердің қауіпсіздігін қамтамасыз етуі тиіс вагондардың неліктен маңызын жоғалтқанын анықтау үшін ҚТЖ баспасөз қызметіне хабарласқан едік. Алайда әзірге ешқандай түсініктеме берілген жоқ. Олар мұндай фактілердің тіркелмегенін хабарлады. Әйелдерді тасымалдау түсінігі нақты реттелген және 7 жасқа дейінгі ұл балаларды қоспағанда, ер адамдарға рұқсат етілмейді дейді олар.
