Ұлттық статистика бюросы 2023 жылғы есебін жариялап, халықтың өмір жасына жасалған талдауды көрсетті.
ERNUR.KZ. Ұлттық статистика бюросы Қазақстанда тұрғындары ең ұзақ әрі ең қысқа өмір сүретін өңірлерді атады, деп жазады ulysmedia.kz.
2023 жылғы есеп
Ұлттық статистика бюросы 2023 жылғы есебін жариялап, халықтың өмір жасына жасалған талдауды көрсетті.
– Туған кезде халықтың күтілетін өмір ұзақтығы - бұл ұрпақтың бүкіл өмірінде әр жас тобындағы өлім-жітім деңгейінің көрсеткіші есептік жылдағыдай деңгейде өзгеріссіз қалатын жағдайда осы ұрпақтан туған бір адамның өмір сүретін жасы, – деп бір сөйлеммен ұзын-сонар түсініктеме береді бюро.
Бюроның хабарлауынша, халықтың орташа есеппен жасы 75,09. Олардың ішінде ерлердің үлесі 70,99 жас. Ал әйелдердің үлесі – 79,06 жас.
Қалалық тұрғындарының орташа есеппен жасы 75,73 болса, ауыл тұрғындарының үлесі 74,02 жас.
Өңірлер тұрғындарының өмір сүру ұзақтығы
Ең жоғары туғандағы күтілетін өмір сүру ұзақтығы Алматы қаласында – 78,28 жас, ал ең төмені Ұлытау облысында – 72,41 жас.
