Қатты суық пен қарлы боранның әсері балалардың сабағын тоқтатуға септігін тигізді.
ERNUR.KZ. 13 желтоқсан күні Астанада бірінші ауысымдағы мектеп оқушылары мен колледж студенттері онлайн оқитын болады. Бұл 0-12 сынып оқушылары мен 9-сыныптағы колледждердің 1-2 курс студенттеріне қатысты. Ал Алматыда 0-9 сынып оқушылары 13-14 желтоқсанда қашықтықтан оқыту форматына көшіріледі, деп жазады inbusiness.kz.
Сонымен қатар, Қостанай облысында 13 желтоқсан күні таңертең ауа температурасы -30...-33 градусқа дейін жетті. Үш қала мен 10 ауданда 0-11 сынып оқушыларының бірінші ауысымындағы күндізгі сабақтары тоқтатылды.
Қарағанды қалалық білім басқармасының хабарламасы бойынша, 13 желтоқсан күні ауа-райының қолайсыздығына байланысты бірінші және екінші ауысымдағы 0-11 сынып оқушылары үшін сабақтар қашықтықтан оқыту форматына көшірілді.
Көкшетау қалалық білім бөлімінің мәліметінше, ауа температурасының -35 градусқа дейін төмендеуіне байланысты 13 желтоқсанда 1-11 сыныптар арасындағы 1-ші ауысымдағы оқушылар қашықтықтан оқыту форматына ауысады.
Павлодар қаласы білім басқармасының хабарламасына сәйкес, ауа-райының күрт нашарлауына байланысты 13 желтоқсанда 0-11 (12) сынып оқушылары мен колледждердің 1-2 курс студенттері (9-сынып негізінде) бірінші ауысымда қашықтықтан оқыту форматына көшеді.
Сондай-ақ, 2023 жылғы 13 желтоқсанда Семей қаласында ауа-райының қолайсыздығынан (-27 градус) 1-9 сынып оқушылары үшін 1-ші ауысымдағы сабақтар қашықтықтан оқыту форматына ауыстырылды.
Ал Петропавлда ауа температурасының -33 градус аязға дейін төмендеуіне байланысты 0-дегі даярлық тобынан 11-сыныпқа дейінгі оқушыларға арналған оқу сабақтары қашықтықтан оқыту режиміне көшірілді.
Бұдан бөлек, Шымкент қаласында қатты аязға байланысты 0-11 сынып оқушылары 15 желтоқсанға дейін қашықтан оқитын болады.
