Бүгінде жоба пилоттық режимде іске қосылды.
ERNUR.KZ. Елімізде өндірілетін мұнай мен газ конденсатының 60%-нан астамы цифрлық мониторингке кіреді, деп жазады zakon.kz.
Бүгінде жоба пилоттық режимде іске қосылды. Оған жеті мұнай өндіруші ұйым, төрт мұнай тасымалдаушы ұйым және үш мұнай өңдеу зауыты қосылған.
Ағымдағы жылы мұнай және газ конденсатын есепке алудың ақпараттық жүйесін өнеркәсіптік пайдалануға енгізу жоспарланған, - деді Энергетика министрі Нұрлан Ноғаев халық алдында есеп беру кездесуінде.
Ақпараттық жүйеге Қазақстандағы мұнай мен газ конденсатын жалпы өндіру мен өңдеудің 60%-нан астамын жүзеге асыратын компаниялар қосылады.
Республикада 2020 жылы 85,7 млн тонна мұнай өндірілді. 2021 жылға жоспар - 85,3 млн тонна.
2020 жылы мұнай өңдеу 15,8 млн тоннаны құрады (2021 жылға жоспар - 17 млн тонна).
Өткен жылы мұнай өнімдерін өндіру - 11,5 млн тонна. 2021 жылы Қазақстанда 12,4 млн тонна мұнай өнімдерін шығару жоспарланып отыр.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
