Сондай-ақ Мемлекет басшысы «Балаларға арналған ұлттық қор» жаңа ауқымды бастамасын жүзеге асыру 2024 жылдан басталатынын еске салды.
ERNUR.KZ. 26 қазанда Республикалық қоғамдық штабта Қазақстан Республикасы Президенттігіне кандидат ретінде сөйлеген Қасым-Жомарт Тоқаев елімізде уақытша жұмыссыз азаматтарды қолдау жүйесі күшейтілетінін мәлімдеді, деп жазады zakon.kz.
Президенттің айтуынша, мемлекет жұмыссыздықтан сақтандыру жүйесін енгізеді.
"Жұмыссыз қалғаны үшін төленетін әлеуметтік жәрдемақы көлемін кірістің 45%-ына дейін ұлғайтамыз", - деді Қасым-Жомарт Тоқаев.
Сондай-ақ Мемлекет басшысы «Балаларға арналған ұлттық қор» жаңа ауқымды бастамасын жүзеге асыру 2024 жылдан басталатынын еске салды.
"«Қазақстан халқы» қоғамдық қорына жыл сайын «Самұрық-Қазына» қорының таза кірісінің кемінде 7 пайызын аударуды қамтамасыз етеміз", - деді Қасым-Жомарт Тоқаев.
Бұл шаралардың барлығы, Президент атап өткендей, «мемлекеттің әділетті әлеуметтік саясатының тікелей көрінісі болады».
