2024 жыл климатты бақылау тарихында рекордтық жылы жыл болады деген болжам бар.
ERNUR.KZ. Қазгидромет мамыр айына арналған құрғақшылықтың нақты болжамын жариялады, деп жазады ulysmedia.kz.
Синоптиктер сәуір айында жауған жауын-шашын мен болжамды ауа-райы жағдайларын ескере отырып, Қазақстан аумағында құрғақшылық қаупі бар аумақтардың көлемі ұлғаятынын хабарлады.
Мәселен, Қызылорда облысының Қармақшы және Шиелі ауданында, Қостанай облысының Амангелді ауданында, сондай-ақ Қарағанды облысының Шет ауданында құрғақшылық күтіліп отыр.
Орташа ылғалды жағдайлар болжанады:
- Қостанай облысында Қарасу ауданында;
- Ақмола облысында Ақкөл, Атбасар және Сандықтау аудандарында;
- Павлодар облысында Ақтоғай, Успен және Павлодар қаласының маңында;
- Батыс Қазақстан облысында Бөрлі, Шыңғырлау, Сырым және Қаратөбе аудандарында;
- Ақтөбе облысында Қобда ауданында.
Елдің қалған бөлігінде мамыр айында ылғалдандыру көпжылдық деңгейге жақын деп есептеледі.
Еске сала кетейік, бұған дейін сарапшылар климат туралы үрейлі болжамын жариялаған. 2024 жыл климатты бақылау тарихында рекордтық жылы жыл болады деген болжам бар.
