Әкімшілік іс ТМРК пайдасына қаралған жағдайда, KEGOC-ке 4 900 800 теңге көлемінде әкімшілік айыппұл салынуы мүмкін.
ERNUR.KZ. Ұлттық экономика министрлігінің Табиғи монополияларды реттеу комитеті KEGOC қазақстандық компаниясына жоспардан тыс тексеру жүргізіп, заңбұзушылықтарды анықтап, сотқа жіберді, деп жазады Tengrinews.kz.
"ҰЭМ Табиғи монополияларды реттеу комитеті құбыр өнімдерін өндіру жөніндегі зауыттың өтініші негізінде, KEGOC АҚ-қа қатысты жоспардан тыс тексеру жүргізді, оның қорытындысы бойынша тұтынушылардың реттеліп көрсетілетін қызметке қолжетімділігі бөлігінде Қазақстан Республикасының табиғи монополиялар туралы заңнамасы талаптарының бұзылуы анықталды", - делінген хабарламада.
KEGOC-ке қатысты Қазақстан Республикасының ӘҚБтК-ның 164-бабы төртінші бөлігі бойынша әкімшілік құқық бұзушылық туралы хаттама толтырылғаны, ол субъектінің өтініші бойынша соттың қарауына берілгені айтылды.
Бұл ретте, әкімшілік іс ТМРК пайдасына қаралған жағдайда, KEGOC-ке 4 900 800 теңге көлемінде әкімшілік айыппұл салынуы мүмкін.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
