Келер жылы тегін дәрі-дәрмек тізімін екі есеге арттырамыз – Е.Біртанов

0
67

Е.Біртанов аурухана қызметкерлеріне адамдарды міндетті әлеуметтік медициналық сақтандыру жүйесімен таныстыруға көп көңіл бөлу керектігін атап өтті.


Келер жылы тегін дәрі-дәрмек тізімін екі есеге арттырамыз – Е.Біртанов

ERNUR.KZ. ҚР Денсаулық сақтау министрі Е. Біртанов Қарағанды облысына келген жұмыс сапары барысында Абай ауданының Топар кентінде орналасқан Орталық аудандық аурухананының қаншалықты жабдықталғанын тексеріп қайтты. Бұл туралы министрліктің Facebook-тегі парақшасында жарияланды, деп хабарлайды «Хабар 24».

Биыл 1964 жылы іргесін қалаған медициналық мекеменің алды, шатыры және қоршау мен пандусқа күрделі жөндеу жұмыстары жасалып, аула абаттандырылды. 2018 жылы аурухана «Навигация» ақпараттық жүйесін қосты. Сондай-ақ хирургиялық және гинекологиялық операция жасау үшін электрлі коагулятор мен 20 компьютер сатып алынды. Бұл ауруханада республикалық маңызды жолда жол-көлік оқиғасына түскен жандарға шұғыл түрде көмек көрсетеді. Ауруханада 4 хирург қызмет етеді. Мамандар аптасына орташа есеппен 5 жоспарлы операция жасайды. Медициналық мекеме басшылығы Топар кентінде дәрігер тапшылығы жоқ деп мақтанышпен айтты.

«Дәрігерлерге тапшылық сынды мәселе туындаған жоқ. Дәрігерлер еңбек демалысына кеткенде де әрдайым орнын ауыстыратын маман бар»,- деді аурухана директоры Наталья Белан.

Е.Біртанов қазір аурухана қызметкерлеріне адамдарды міндетті әлеуметтік медициналық сақтандыру жүйесімен таныстыруға көп көңіл бөлу керектігін атап өтті. Себебі 1 қыркүйектен бастап, Қарағанды облысында МӘМС пилоттық жүйесі іске қосылады.

«Енді кім сақтандыру жүйесіне тіркелгенін, кім жоқ екеніне назар аудару керек. Медицина қызметкерлері толыққанды түсіндіруге дайын болулары керек. Дәрігерлер медициналық көмектің базалық пакетіне не кіретінін және қосымша тағы қандай көмек көрсетілетінін білсе екен дейміз. Әзірге пилоттық жүйеде профилактикалық тексеру мен және оңалту ғана бар. Келесі жылы тегін дәрі-дәрмектердің тізімін екі еселендіруді жоспарлап отырмыз» - деп сөзін қорытындылады Е.Біртанов.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет