Кореяда жаппай төбелескен Қазақстан азаматтары ұсталды

0
245

Оңтүстік Кореяда Қазақстан Республикасының азаматтары төбелесіп, пышақтасқан, оған қатысқан 16 адам ұсталды.


Кореяда жаппай төбелескен Қазақстан азаматтары ұсталды

ERNUR.KZ. 18 сәуірде Оңтүстік Корея қалаларының бірінде заңсыз жүрген Қазақстан азаматтары жаппай төбелескен, деп жазады zakon.kz.

ҚР Сыртқы істер министрлігінің ресми өкілі Айбек Смадияровтың ақпараты бойынша, оқиғадан соң жергілікті полиция қызметкерлері Қазақстан Республикасының 19 азаматын ұстады.

Қазақстан Республикасының Оңтүстік Кореядағы елшілігінің консулдығы болған оқиғаның егжей-тегжейін анықтап жатыр. Біздің дипломаттар бұл мәселені үнемі бақылауда ұстап, жергілікті полиция және көші-қон қызметімен байланыс орнатуда, - деді Смадияров.

Жанжал бір күн бұрын белгілі болды. Бұл жаңалықтың видеосы JEXENNEWS Telegram каналында жарияланды.

19 сәуірде Оңтүстік Кореяда Қазақстан Республикасының азаматтары төбелесіп, пышақтасқан, оған қатысқан 16 адам ұсталды. Қазақстан Республикасының Консулдығы бұл жайттан қанық. Жаппай төбелеске қатысушылардың бәрі - еңбек мигранттары, деп хабарлады Telegram арнасы.
Пікір қалдыруыңыз үшін сайтқа кіруіңіз қажет