Әлеуметтік желіде адамдар COVID-19 тудыратын SARS-CoV-2 коронавирусының дельта штаммын жаппай жұқтыра бастағаны туралы хабарламалар қаптап кетті.
ERNUR.KZ. Денсаулық сақтау министрлігінің баспасөз қызметі жұртшылық арасында тараған хабарламаны жалған екенін мәлімдеді, деп жазады inbusiness.kz.
Бүгінгі таңда республикада коронавирустық инфекция бойынша эпидемиологиялық жағдай тұрақты.
"Вирустарды генетикалық зерттеу мониторингі жүргізіліп жатыр. Соңғы секвенирлеу қорытындысы бойынша республикада штаммдардың жаңа нұсқасы анықталған жоқ. Дельта штаммы 2021 жылы анықталып, аурудың ауыр түрлерін тудырды. Қазір Қазақстанда ауру жеңіл түрде өтеді. Науқастар негізінен амбулаториялық ем алады. Жұқпалы төсек-орындардың 3%-ы ғана қолданыста", — делінген ҚР Денсаулық сақтау министрлігінің баспасөз қызметі хабарламасында.