Қостанайда өзеннен әйелдің мәйіті табылды

Полицияға оның жұбайы жүгінген. Аталған факті бойынша полиция іздестіру іс-шараларын жүргізді.

Бүгін таңғы сағат 8.25-те "102" пультіне үлкен көпір аймағындағы өзенде әйелдің денесі табылғаны туралы хабарлама түсті.

Оқиға орнына жедел-тергеу тобы шықты. Табылған мәйіт жоғалған Қуаныш Бермұхамбетова екені расталды.

Қазіргі уақытта өлімнің себебін анықтайтын сот-медициналық сараптама тағайындалған.

Оқиғаның мән-жайы сотқа дейінгі тергеу барысында анықталады.