ҚР Мемлекеттік қызмет істері агенттігінің төрағасы тағайындалды

0
953

Мемлекет басшысы тағайындау туралы жарлыққа қол қойды.


ҚР Мемлекеттік қызмет істері агенттігінің төрағасы тағайындалды

Анар Жайылғанова ҚР Мемлекеттік қызмет істері агенттігінің төрағасы болып тағайындалды. Мемлекет басшысының жарлығы Ақорданың ресми сайтында жарияланды, деп хабарлайды ERNUR.KZ.

"Анар Нұралықызы Жайылғанова Қазақстан Республикасының мемлекеттік қызмет істері агенттігінің төрағасы болып тағайындалсын", - деп жазылған құжатта.

Анар Жаилғанова Нұралықызы 1969 жылы 10 шілде Семей облысы Чарск ауданы Белтерек ауылында туған. 1986 жылы Белтерек ауылының орта мектебін медальмен тәмәмдап, осы жылы С.М. Киров атындағы Қазақ мемлекеттік университетінің заң факультетіне түсіп, 1991 жылы үздікпен аяқтады. 1999 жылғы желтоқсанда Қазақстан Республикасы Президенті Әкімшілігінің мемлекеттік-құқықтық бөлімінің аға сарапшысы лауазымына ауысты.

2000 жылғы қыркүйекте Қазақстан Республикасы Жоғарғы Соты Төрағасының кеңесшісі, 2004 жылғы желтоқсанда Қазақстан Республикасы Жоғарғы Сотының судьясы болып қызмет атқарды. 2008 жылы 13 наурызда Қазақстан Республикасы Парламент Сенатының Қаулысымен Қазақстан Республикасы Конституциялық Кеңесінің мүшесі болып тағайындалды.

2002 жылы «Қазақстан Республикасында сот қызметін ұйымдастыру-құқықтық қамтамасыз ету» тақырыбы бойынша кандидаттық диссертациясын қорғады.

Қазақстан Республикасы Президенті Жарлығымен 25.08.2005ж. №1633 «Қазақстан Республикасы Конституциясына 10 жыл» мерекелік медалімен марапатталған.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет