Бұған дейін Т.Уәли Германияда қымызға емес, оны өндіру әдістеріне ғана патент бар екендігін мәлім еткен еді.
ERNUR.KZ. Қымызды қазақ сусыны ретінде патенттеу мүмкін емес. Бұл туралы Әділет министрлігінің ресми өкілі Талғат Уәли айтты, деп жазады inform.kz.
«Ұлттық өтінім берушілеріміз де дәстүрлі өнімдерге, соның ішінде шұбат, құрт, қазы, ет қамыры және тағы басқалары бойынша соңғы технологияларды патенттеп алды. Қымызды тек қазақстандық сусын деп патенттеп алу мүмкін емес. Бұған дейін Алматының апортын «географиялық көрсеткіш» ретінде шығу тегі Алматы екендігін бекітіп алғанымызды айтқан едік. Яғни, апорттың Алматы төңірегінде өсетіндігін растауға болады. Ал биенің сүті, қымызы әлемде өндірілетін өнім болғандықтан оны тек Қазақстанға ғана тән деп айту орынсыз болады», - деді Талғат Уәли елордада өткен брифинг барысында.
Бұған дейін Т.Уәли Германияда қымызға емес, оны өндіру әдістеріне ғана патент бар екендігін мәлім еткен еді.
