Қызылордалық жас өнертапқыш Яндекс компаниясынан шақырту алды

0
97

Дастан вирусқа қарсы қорғаныс ретінде қолданылатын арнайы жобаны ойлап тапты.


Қызылордалық жас өнертапқыш Яндекс компаниясынан шақырту алды

ERNUR.KZ. Қызылорда қаласының тұрғыны, жас өнертапқыш Дастан Айтбай ресейлік Яндекс компаниясынан шақырту алды, деп жазады ҚазАқпарат.

Дастан Айтбай көптеген инновациялық жобалар бойынша елге танылып келеді. Ол былтыр инновациялық құлаққап жасап шығарды. Қазір екінің бірі құлаққапты пайдаланады. Дегенмен ол қауіпсіздікті сақтау барысында көптеген қиындықтар тудырады. Дастан құлаққаптың ішіне қауіпсіздік сигналын орнатқан. Мәселен, көлік, жол-көлік, жедел жәрдем қызметтерінің сигналы естілгенде құлаққаптағы әуен автоматты түрде тоқтайды.

Сондай-ақ, Дастан вирусқа қарсы қорғаныс ретінде қолданылатын арнайы жобаны ойлап тапты . Оған «Кафка» бағдарламасы деген атау берілген. Оны вирусқа қарсы вирус деуге негіз бар. Жоба бойынша ол вирусты өз қақпанына түсіреді. Оған өзінің вирустарын жүктеп жібере алады.

Нәтижесінде жіберілген вирус қайтадан бұрынғы «ұясына» барып, арқалап келген жүгі арқылы өзін-өзі жойып жібереді.

«Алдағы уақытта өз білімімді Ресей астанасы - Мәскеу қаласында жетілдіргім келеді. Бұл - үлкен тәжірибе алаңы. Мұндай ірі компаниямен бірге жұмыс жасау өзіме жасалған үлкен мүмкіндік деп санаймын», - деді Дастан Айтбай.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет