Қалтаева «Шырақ» мүгедектігі бар әйелдер қауыдастығы« ҚБ, «Мүгедектігі бар адамдардың Орталық-Азиялық форумы« ЗТБ төрайымы.
фото: sputnik.kz.
Мемлекет басшысының Жарлығымен Ләззат Молдабекқызы Қалтаева Қазақстан Республикасы Парламенті Сенатының депутаты болып тағайындалды, деп хабарлайды ERNUR.KZ Ақордаға сілтеме жасап.
"Мемлекет басшысының Жарлығымен Қалтаева Ләззат Молдабекқызы Қазақстан Республикасы Парламенті Сенатының депутаты болып тағайындалды", - делінген хабарламада.
Ләззат Қалтаева Қызылорда қаласында 1965 жылдың 4 ақпанында дүниеге келген.
1987 жылдың маусым айынан бастап Фрунзе аудандық мүгедектер қоғамында хатшы-референт, одан кейін басшының орынбасары ретінде қызмет атқарды.
1990 жылдан бастап 1997 жылға дейін «Тұмар» ЖШС-де және «Виктория» ЖШС-де маркетинг инженері қызметінде болды.
1997 жылдан бастап 2000 жылға дейін «ДАЭКО» ЖАҚ-да, «Дәнекер» ЖАҚ-на, «Қазақстанаудит» ЖАҚ-да бағалы қағаздармен мәмілелер жасау жөніндегі маман болды.
2001 жылдан бастап осы уақытқа дейін - «Шырақ» мүгедектігі бар әйелдер қауыдастығы« ҚБ, «Мүгедектігі бар адамдардың Орталық-Азиялық форумы« ЗТБ төрайымы.
Білімі жоғары, Каспий қоғамдық университетін «заңгер« мамандығы бойынша тәмамдаған.
