Маңғыстау облысында шаңды дауыл салдарынан жолдар жабылды

ERNUR.KZ. Маңғыстау өңірінде шаңды дауыл соғып, көрудің қиындауына байланысты жол қозғалысына шектеу қойылды, деп жазады ҚазАқпарат.

«Доссор-Құлсары-Бейнеу-Сайөтес-Шетпе-Жетібай-Ақтау» автожолының 647-712 шақырымында көліктерге жүруге тыйым салынды. Бұл Шетпе-Жетібай жол учаскесі», - делінген хабарламада.

Ауа райы қолайсыздығынан жол қозғалысына шектеу бүгін сағ.13:30-дан бастап (Нұр-Сұлтан уақытымен) енгізілді.

«Штаттан тыс жағдай туындаса, «ҚазАвтоЖолдың» бірыңғай тәулік бойы жұмыс істейтін колл-орталығына хабарласуға болады. Байланыс нөмірі - 1403», - дейді аталған ведомстводан.

Айта кетейік, «Қазгидромет» мамырдың 2-сі күнгі күн райы болжамын жариялаған болатын.