Маңғыстауда 24 жастағы жігіт суға батып кетті

ERNUR.KZ. Маңғыстау облысындағы Сайын Шапағатов ауылында ер адам суға батып кетті. Бұл туралы облыстық ТЖД жедел құтқару жасағының өкілдері мәлімдеді, - деп жазады Tengrinews.kz.

Оқиға 8 маусымда Түпқараған ауданына қарасты Сайын Шапағатов ауылының маңындағы су қоймасының жағалауында болған. Қайғылы жағдай туралы хабар 20:40-та түскен.

"1995 жылғы жігіттің денесін демалушылар құтқарушылар келгенге дейін судан алып шыққан. Қайтыс боғлан жігіттің денесі полиция қызметіне тапсырылды", - деді жедел құтқару жасағының өкілдері.