Сонымен қатар, жерлеуге жұмсалған шығындарына 600 мың теңге көлемінде өтемақы төленетін болады.
ERNUR.KZ. Алматы қалалық төтенше жағдайлар департаменті қаза тапқан қызметкер Арслан Құрманбековтің мұрагерлеріне оның алпыс айлық ақшалай қаражаты (5 жылғы) - шамамен 13 млн теңге мөлшерінде біржолғы өтемақы төленетінін мәлімдеді, деп жазады ҚазАқпарат.
Сонымен қатар, жерлеуге жұмсалған шығындарына 600 мың теңге көлемінде өтемақы төленетін болады.
«Жерлеу бойынша барлық шығындарды Алматы қаласының Төтенше жағдайлар департаменті ұйымдастырды. ТЖ министрлігі Президент Әкімшілігіне мемлекеттік наградаға қызметтік борышын орындау кезінде қаза тапқан өрт сөндіруші А.Ж. Құрманбековті марапаттау туралы ұсыныс енгізді.
Сонымен қатар, Алматы қаласы әкімдігінің атына әлеуметтік көмек тәртібінде А.Құрманбековтің анасына тұрғын үй бөлу мүмкіндігін қарастыру туралы өтініш жолданды», - деп жазды ведомстводан.
ТЖД таратқан хабарламаға қарағанда, өзге де қосымша көмек көрсету мәселелері пысықталуда.
Айта кетейік, Алматы қаласында Медеуде тұтанған отпен күрес кезінде өрт сөндіруші Арслан Құрманбеков мерт болғанын жазған болатынбыз.
