Мемлекет басшысы Екібастұздағы жағдай бойынша тапсырма берді

0
462

Мемлекет басшысы жылыту маусымын және жөндеу, қалпына келтіру жұмыстарының барысын тұрақты бақылауда ұстауға тапсырма берді.


Мемлекет басшысы Екібастұздағы жағдай бойынша тапсырма берді

Президент Қасым-Жомарт Тоқаев екібастұздықтардың пәтерлеріндегі температураны тұрақтандыруды тапсырды, деп хабарлайды ERNUR.KZ Ақорданың баспасөз қызметіне сілтеме жасап.

"Мемлекет басшысы Премьер-министрдің бірінші орынбасары Роман Склярға және Павлодар облысының әкімі Асайын Байхановқа Екібастұздағы қала тұрғындарының пәтерлерінде және әлеуметтік нысандарда температура режимін тұрақтандыру үшін барлық қажетті шараны қабылдауды тапсырды", - делінген хабарламада.

Ақпаратқа сәйкес, Мемлекет басшысы жылыту маусымын және жөндеу, қалпына келтіру жұмыстарының барысын тұрақты бақылауда ұстауға тапсырма берді.