Бұл мәселе қазір талқыланып жатыр, дейді министр.
ERNUR.KZ. Денсаулық сақтау министрі Алексей Цой Қазақстандағы кинотеатрлар жұмысын қалпына келтіру мүмкіндігі туралы айтты, деп жазады Tengrinews.kz.
"Киноиндустрияға қатысты мәселе қарастырылып жатыр. Біз алаңдаушылықты түсінеміз. Қазір тәсілдер пысықталып жатыр. Алғашқы кезеңде орындарды 30 пайызға толтыру нұсқасы қарастырылады. Бұл мәселе қазір талқыланып жатыр. Ол таяуда ведомствоаралық комиссияның отырысында шешілетін шығар", - деді Цой.
Бұған дейін кинотеатр иелері 15 миллиард теңге жоғалтқанын мәлімдеген еді. Кәсіпкерлер карантин шаралары жеңілдегеннен кейін оларға жартылай жұмыс істеуге де рұқсат берілмегенін айтқан. Залдардың бірнеше ай қатарынан бос тұруынан кәсіпкерлер банкротқа ұшыраған.
