Кодекске сәйкес жазалау шараларын қолдануға болатындай қандай санитарлық нормаларды бұзғанын анықтау қажет.
ERNUR.KZ. Денсаулық сақтау министрлігі Әли Оқапов пен Төреғали Төреәлінің карантин кезінде өткізген салтанатты іс-шараларына қатысты тексеріс бастады. Бұл туралы Денсаулық сақтау министрлігінің ресми өкілі Бағдат Қоджахметов айтты, - деп жазады Tengrinews.kz.
"Таңертең біз бұл мәселені талқыладық. Ол менің көзімше Алматының бас санитар дәрігері Жандарбек Бекшинге қоңырау соқты. Қазір қалалық полиция қызметкерлері іс-шаралар жүргізіп жатыр, оқиғаның нақты қайда болғанын анықтау үшін тексеру жүргізіледі. Шынында да тойлар карантин кезінде өтті ме және оларды Әкімшілік құқық бұзушылық туралы Кодекске сәйкес жазалау шараларын қолдануға болатындай қандай санитарлық нормаларды бұзғанын анықтау қажет", - деді министрліктің ресми өкілі.
