Мониторинг тобы неге Алматыдағы «барахолка» базарын тексермейді

0
115

Журналистердің сұрағына қаланың бас санитар дәрігері жауап берді.


Мониторинг тобы неге Алматыдағы «барахолка» базарын тексермейді

ERNUR.KZ. Алматының бас санитар дәрігері Жандарбек Бекшин онлайн брифинг барысында «барахолка» базарын неге тексеруге болмайтынын түсіндірді, деп жазады ҚазАқпарат.

Журналистер онлайн брифинг барысында мониторинг топтары неге тек кафелер мен мейрамханаларды тексеріп, «барахолкада» тексеру жүргізбейтінін сұрады.


«Бұл нысандар тексерілмейді емес, тексеріледі. 1,5 ай бұрын бір жерде жақын орналасқан базарларға 1 млн теңге айыппұл салынды. Алайда эпидемиологиялық талдауларға сенсек, инфекцияның 37% жабық жерлерде таралады. Түнгі клубтарда адамдар 5-6 сағат жабық жерде жақын отырады. Ал базарға барсақ, сатушының алдында ұзақ тұрмаймыз. Затымызды алып, кете береміз», - деді ол.


Айта кету керек, 24 қазанда Алматыда мониторинг топтары 59 нысанды тексеріп, 11 нысанда карантин талаптары бұзылғанын анықтады.

Пікір қалдыруыңыз үшін сайтқа кіруіңіз қажет