Мұхтар Құл-Мұхамед «Нұр Отанның» бірінші орынбасары қызметінен кетті

«Нұр Отан» партиясының саяси бюро кеңесінің отырысына қатысқан Елбасы Нұрсұлтан Назарбаев Мұхтар Құл-Мұхамедке атқарған жұмыстары үшін алғысын білдірді», - деп хабарлайды саяси ұйымның баспасөз қызметі. Осы отырыс барысында Президент «Нұр Отан» партиясының жаңа бірінші орынбасары ретінде Мәулен Әшімбаевты таныстырды. Парламент Мәжілісінің депутаты Мәулен Әшімбаев бұған дейін «Нұр Отан» ХДП жанындағы мәдениет пен өнерді дамыту жөніндегі «Мирас» қоғамдық кеңесін басқарды.

Мемлекет басшысының Жарлығымен Мұхтар Абрарұлы Құл-Мұхаммед Қазақстан Республикасы Парламенті Сенатының депутаты болып тағайындалды.