"Мына қамшыны бастықтарға көрсету керек" – Елбасының сирек видеосы жарияланды

ERNUR.KZ. Президенттің телерадио кешені Instagram желісінде Қазақстанның тұңғыш президенті - Елбасы Нұрсұлтан Назарбаевтың сирек видеосын жариялады, деп жазады Sputnik Қазақстан.

Видеода 90 жылдардың басында Елбасының өңірлерді алғаш рет аралап жүрген кезі түсірілген. Ақсақалдармен кездесу барысында жергілікті қариялар тұңғыш президент Назарбаевқа бата беріп жатыр.

"Батаменен ел көгерер" демекші, бата беру дәстүрі - баға жетпес құндылығымыз және дәстүріміз. Сондай ізгі және мағынасы зор баталардың бірі – мемлекет басшына берілетін бата", - деп жазады президенттің телерадио кешені архив видеоның астына.

Кадрларда ақсақалдардың Елбасыға қамшы сыйлап жатқан сәті де бар.

"Қамшыны көрген кезде, бізді есіңізге ала жүріңіз", - дейді қарттардың бірі.

Назарбаев жергілікті билік өкілдеріне көрсету керек деп жауап береді.

"Мына қамшыны аудан бастығына, совхоз бастығына көрсетіп қою керек екен анда-санда. Облыс басшынан бастап... Тәртіп болмаса, болмайды деген сөз ғой", - дейді тұңғыш президент әзіл-шыны аралас.