Қыз бір апта бойы жансақтау бөлімінде жатқан. Оның коронавирус инфекциясын жұқтырып-жұқтырмағаны белгісіз.
ERNUR.KZ. Нұр-Сұлтан қаласының 25 жастағы тұрғыны пневмониядан көз жұмды, деп жазады Sputnik Қазақстан.
1995 жылы туған қыз жедел жәрдеммен 1-ші қалалық ауруханаға өте ауыр жағдайда жеткізілген.
"Ауруханаға түскен кезде ауа жетпей, дене қызуы көтерілген, өзін әлсіз сезінді", - деді денсаулық сақтау басқармасы.
Пациентте ауыр дәрежедегі екіжақты полисегментарлы пневмония болды.
Дәрігерлер қанша тырысқанмен, науқас 25 маусымда қайтыс болды.
Оның ақзасында коронавирус болып-болмағаны белгісіз. Сынама қорытындысы әлі шыққан жоқ.
