Нұр-Сұлтанда дәмханада газ баллоны жарылды: 1 адам қаза тапты (фото, видео)

0
335

Өрт сөндіру қызметі оқиға орнына жеткен кезде үйдің ішінде бір қыз бен 15 газ баллоны бар екені анықталған.


Нұр-Сұлтанда дәмханада газ баллоны жарылды: 1 адам қаза тапты (фото, видео)

ERNUR.KZ. Елордада дәмханалардың бірінде газ баллоны жарылды. Бұл туралы ҚР Төтенше жағдайлар министрлігінің ресми өкілі Талғат Уәли мәлім етті, деп жазады ҚазАқпарат.

«2020 жылдың 21 қарашасында, сағат 12:25-те Нұр-Сұлтан қалалық ТЖД кезекші-диспетчерлік қызметінің пультіне дәмхана ретінде жабдықталған коттеджде газ баллонының жарылғаны туралы ақпарат келіп түсті», - деді Талғат Уәли.

Оның атап өтуінше, өрт сөндіру қызметі оқиға орнына жеткен кезде үйдің ішінде бір қыз бен 15 газ баллоны бар екені анықталған.

«Жарылыс салдарынан ас бөлмесінің төбесі опырылып түскен. Алдын ала деректерге сәйкес, қыз үйінді астында қалып қойып, оқиға орнында қаза тапқан», - деді ресми өкіл.

Қазіргі уақытта оқиға орнында Нұр-Сұлтан қалалық ТЖД-нің, Апаттық медицина орталығының 21 құтқарушысы мен 5 техникасы жұмыс істеп жатыр.











Пікір қалдыруыңыз үшін сайтқа кіруіңіз қажет