14 желтоқсаннан бастап Петропавлда карантин режимі жеңілдетіледі.
ERNUR.KZ. Петропавлда шектеу шаралары жеңілдетілді. Бұл туралы аймақ басшысы Құмар Ақсақалов брифингте мәлімдеді, деп жазады Tengrinews.kz.
14 желтоқсан сағат 00.00-ден бастап Петропавлда карантин режимі жеңілдетіледі.
"Демалыс күндері Петропавлда қоғамдық көлік жұмыс істейді. Облыс ішіндегі автобус қатынасы жанданады. Кітапханалар, мұражайлар мен театрлар қайта ашылады. Діни нысандар жұмыс істей алады", - дейді СҚО әкімі.
500 шаршы метрден асатын сауда-ойын-сауық орталықтары мен азық-түлік емес дүкендер тек жексенбіде жұмысын тоқтатады. Бұрын олар демалыс күндері жұмыс істемеген еді.
