Президент Қазақстанның бірқатар мемлекеттегі елшілерін қызметінен босатты

0
262

Қасым-Жомарт Тоқаевтың Жарлығымен елшілікте ауыс-түйістер орын алды.


Президент Қазақстанның бірқатар мемлекеттегі елшілерін қызметінен босатты

ERNUR.KZ. Қазақстан Президенті Қасым-Жомарт Тоқаевтың Жарлығымен Сингапур, Жаңа Зеландия, Германия, Иордания, Ирак, Ливан және Палестина мемлекеттеріндегі елшілер лауазымдарынан босатылды, деп жазады ҚазАқпарат.

Атап айтқанда, Мемлекет басшысының Жарлықтарымен: Үсен Әбдіқадырұлы Сүлеймен Қазақстан Республикасының Сингапур Республикасындағы Төтенше және Өкілетті Елшісі қызметінен, Қазақстан Республикасының Жаңа Зеландиядағы Төтенше және Өкілетті Елшісі қызметін қоса атқарудан;

Болат Тұрарұлы Нүсіпов Қазақстан Республикасының Германия Федеративтік Республикасындағы Төтенше және Өкілетті Елшісі қызметінен;

Азамат Рахманқұлұлы Бердібай Қазақстан Республикасының Иордан Хашимиттік Корольдігіндегі Төтенше және Өкілетті Елшісі қызметінен, Қазақстан Республикасының Ирак Республикасындағы, Ливан Республикасындағы, Палестина Мемлекетіндегі Төтенше және Өкілетті Елшісі қызметін қоса атқарудан босатылды.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет