Президент сайлауына үміткерлерді ұсыну 23 қыркүйекте басталады

0
312

19 қараша – Тыныштық күні болып белгіленді.


Президент сайлауына үміткерлерді ұсыну 23 қыркүйекте басталады

ERNUR.KZ. Орталық сайлау комиссиясы 20 қарашаға белгіленген Президент сайлауына дайындықтың күнтізбелік жоспарын бекітті, деп жазады azattyq-ruhy.kz.

Белгілі болғандай, президенттікке кандидаттарды ұсыну 23 қыркүйекте басталып, 11 қазанда сағат 18:00-де аяқталады.

Президенттiкке кандидаттың қойылатын талаптарға сәйкестiгiн анықтау үшін кандидатты ұсыну туралы республикалық қоғамдық бiрлестiктiң жоғары органы отырысының хаттамасы беріледі. Оған кандидаттың сайлауға қатысуға келісімі туралы мәлімдемесі де қажет етіледі.

«Қол қою парақтары кандидаттың Конституция талаптарына сәйкестігі анықталғаннан кейін бес күн ішінде беріледі. Әрбір кандидатты қолдау үшін 118 273 сайлаушының жарамды қолы жиналуы тиіс. Президенттiкке кандидаттарды қолдау облыстардың, республикалық маңызы бар қалалардың және астананың кемiнде 2/3-iнiң өкiлдiгiн құрайтын сайлаушыларының қолы арқылы расталуға тиiс», - деді Орталық сайлау комиссиясы төрағасының орынбасары Константин Петров.

Кандидаттарға қойылатын талаптар:

ҚР азаматы болуы;
ҚР аумағында соңғы 15 жыл бойы тұруы;
Жоғары білімінің болуы;
Жасы 40-қа толған болуы;
Белсенді сайлау құқығының болуы;
Мемлекеттік қызметте немесе сайланбалы лауазымда кемінде 5 жыл жұмыс тәжірибесінің болуы;
Мемлекеттік тілді еркін меңгеруі.

19 қараша – Тыныштық күні болып белгіленді.