Республикалық автожолдардың екі учаскесінде шектеу алынды

0
300

Кеше кеште ауа-райының қолайсыздығына байланысты жолшылар күшейтілген жұмыс режиміне көшті.


Республикалық автожолдардың екі учаскесінде шектеу алынды

ERNUR.KZ. Бүгін таңғы сағат 08.00-ден бастап екі учаскеде көлік қозғалысына қойылған шектеу алынды, деп жазады sputnik.kz.

Абай өңірінде "Алматы-Өскемен" тасжолының 615-967 шақырымдары аралығында орналасқан Жетісу облысы шекарасынан Қалбатау ауылына дейінгі учаске ашық.
Жетісу өңірінде "Алматы-Өскемен" тасжолының 558-615 шақырымдары аралығында орналасқан Үшарал қаласынан Абай өңіріне дейінгі учаске ашық.
Ал Р-20 "Сарыөзек-Көктал" күре жолының 45-68 шақырымдары аралығында (Алтын Емел асуы) көлік қозғалысына әлі де шектеу қойылып отыр.
Естеріңізге сала кетейік, кеше кеште ауа-райының қолайсыздығына байланысты жолшылар күшейтілген жұмыс режиміне көшті. Өткен түнде Абай облысының республикалық маңыздағы күре жолдарына 140 тонна құм-тұз қоспасы себілді.