Республикалық жолдардың барлығы ашық - министрлік

0
1 945

Кеше Солтүстік Қазақстан облысында жел күшейіп, боран соғу қаупіне байланысты сағат 17:00 бастап облыстық жолдарда барлық бағыт бойынша жол жабылған еді.


Республикалық жолдардың барлығы ашық - министрлік

ERNUR.KZ. Ауа райының қолайсыздығына байланысты жабылған барлық жол көлік қозғалысы үшін ашылды, деп жазады ҚазАқпарат.

«Республикалық маңызы бар автожолдардағы қозғалыс барлық бағыттар бойынша ашық», - делінген ҚР Индустрия және инфрақұрылымдық даму министрлігінің Telegram парақшасында жарияланған ақпаратта.

Естеріңізге сала кетсек, кеше Солтүстік Қазақстан облысында жел күшейіп, боран соғу қаупіне байланысты сағат 17:00 бастап облыстық жолдарда барлық бағыт бойынша жол жабылды. Көліктің барлық түрінің жүруіне тыйым салынған.

Сонымен қатар 20 қаңтар сағат 21:00 бастап ауа райының қолайсыздығына, нақты айтқанда боранға байланысты республикалық маңызы бар «Алматы - Өскемен» тасжолының 778-967 шақырымы (Аягөз қаласы мен Жарма ауданы Қалбатау ауылының арасы) барлық автокөлік түрлері үшін жабылды.

Мұнан бөлек, кеше сағат 21-15-те Алматы облысында ауа райының бұзылуына байланысты «Алматы-Өскемен» тасжолының 25-39 шақырымында, Алматы қаласымен Әли кенті аралығында көліктің барлық түрі үшін қозғалысқа тыйым салынған еді.

Пікір қалдыруыңыз үшін сайтқа кіруіңіз қажет