Қордың 2019 жылдың І тоқсанындағы таза табысы өткен жылдың осы кезеңімен салыстырғанда 128 млрд теңгеге немесе 78%-ға артқан.
ERNUR.KZ. Шоғырландырылған қаржылық есепке сәйкес осы жылдың алғашқы тоқсанында акционердің таза пайдасы 291 млрд теңгені құрады, деп жазады inbusiness.kz.
Сонымен қатар, сатудан түскен табыс 2 533 млрд теңгені құраған, бұл өткен жылдың осыған сәйкес кезеңімен салыстырғанда 20 %-ға жоғары көрсеткіш. Биылғы жылдың үш айындағы операциялық пайдасы 276 млрд теңгені құрап, 47 млрд теңгеге немесе 2018 жылдың бірінші тоқсанымен салыстырғанда 20,5 %-ға артты.
Таза табыстың өсуіне шикі мұнай мен газды экспортқа сату көлемі мен бағасының, телекоммуникация қызметтерінен және тазартылған алтыннан түсетін кірістің артуы, сондай-ақ «ҚазМұнайГаз» ҰК» АҚ тобының қауымдасқан және бірлескен кәсіпорындарынан түсетін кіріс әсер еткен.
