SCAT әуе компаниясы жаңа 7 ұшақ сатып алады

15.11.2023 08:38

464

Қазақстанның Азаматтық авиация комитеті Boeing әуе лайнерлерін жеткізу мерзімін нақтыламады.

ERNUR.KZ. "Dubai Airshow-2023" 18-ші халықаралық аэроғарыштық көрмесінде "SCAT" әуе компаниясы Boeing 737-MAX 8 типті 7 жаңа ұшақты жеткізуге келісімшарт жасасты , деп жазады sputnik.kz.

"Флотты тағы 7 жаңа Boeing 737-MAX 8 ұшағымен толықтыру әуе компаниясының тасымалдау сыйымдылығын арттырады, бұл өз кезегінде рейстердің уақытында орындалуына және бағыттыр желісінің кеңейтуге оң әсер етеді", - деп жазылған ведомство хабарламасында.

Қазіргі уақытта "SCAT" әуе компаниясында 37 ұшақ бар. Айта кетері, 2022 және 2023 жылдары Boeing 737 типті 9 жаңа ұшақ келген.

Ведомство қазақстандық әуе компанияларының паркін кеңейту жұмыстары жалғасатынын атап өтті.