Араб тілінде жазылған құжат Н.И.Лобочавский атындағы Қазан мемлекеттік университеті кітапханасынан табылған.
ERNUR.KZ. Семейдегі Абайдың мемлекеттік қорық-мұражайы ғылыми сапарымен Татарстанда болып қайтты, деп жазады «Хабар 24».
Ғылыми-зерттеу жұмысы барысында Н.И.Лобочавский атындағы Қазан мемлекеттік университеті кітапханасынан Абай Құнанбаевтың шығармашылығы мен қоғамдық қызметіне қатысты бірқатар басылымдар табылды.
Зерттеудегі басты олжа - 1885 жылы Қарамола жеріндегі съезде қабылданған араб тіліндегі «Қарапайым қазақтарға арналған Кодекс» Бірінші құқықтық құжаттың түпнұсқасы болды.
«Осы кездесуде Абайды съезд төрағасы етіп сайлайды. Үш күн ішінде заңға байланысты мақалалар жазды. Құжат 1885 жылы мамырда қабылданып, бір жыл өткен соң Қазан қаласындағы Император университетінің баспаханасында шығарылды», - деді мұражай директорының орынбасары Мейрамгүл Қайрамбаева.
Мамандардың айтуынша, заң құрастыру кезінде ақын сол кездегі адамдардың өмірін жеңілдету үшін әр түрлі жаңалықтарды ұсынған демократ ретінде сөз сөйледі.
Қазақстан мұрағаттары мен кітапханаларында осы құжаттың түпнұсқасы жоқ. Мұражай қорында 1959 жылы жасалған кириллицадағы машинкамен басылған көшірме ғана сақталған. Табылған құжат факсимильді нұсқаны басып шығаруға және осы бірегей заңды тереңірек зерттеуге мүмкіндік береді.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
