Семейдегі автобус аялдамаларында электронды тақталар пайда болды

ERNUR.KZ. Семейдегі автобус аялдамаларында электронды тақталар пайда болды. Онда автобустың келу және кету уақыттары көрсетіліп тұрады, деп жазады 24.kz.

Бұл – әзірге қанатқақты жоба. Сол себепті тек екі аялдамаға орнатылды. Болашақта осындай таблолардың саны артпақ.

Нәтижесінде қала тұрғындары өз уақыттарын үнемдеп қана қоймай, реттеп отыруға да мүмкіндік алады. Сондай ақ қазір автобустарға электронды билет жүйесін енгізу жобасы да қаралу үстінде.

Назым Жамболатова, қалалық әкімдіктің сектор меңгерушісі: Бұл ақпараттық тақталардың негізгі міндеті күтіп тұрған жолаушылар осы аялдама арқылы өтетін маршруттардағы автобустардың келу уақытын нақты режимде көріп тұрады. Әсіресе қыс кезінде, тоңып тұрған кезде неше минут қалғанын нақты көріп тұрасың.