Қарағанды облысы полиция департаментінің баспасөз қызметі табылған адам туралы ақпаратты растады.
ERNUR.KZ. Шахтинск қаласындағы қараусыз қалған ғимараттардың бірінен қатыгез соққыға жығылған адам табылды. Куәгерлердің айтуынша, ол реанимацияға жатқызылды, деп жазады tengrinews.kz.
Қараусыз қалған ғимарат жанынан өтіп бара жатқан адамдар орта жастағы ер адамды байқаған. Куәгерлердің айтуынша, ол қатты соққыға жығылып, қорқып қалған. Ер адам тығылған ғимарат аурухананың жанында орналасқан. Жәбірленуші реанимацияға жатқызылды. Болған оқиға туралы ақпарат әлеуметтік желіде пайда болған.
"Ер адам өзін біртүрлі ұстаған . Ауруханада ол ешкімді танымай, тек ауырсынудан айқайлай беріпті. Шамасы, ол ұрып-соғудан жадын жоғалтқан", - деп жазған қолданушылар әлеуметтік желіде.
Қарағанды облысы полиция департаментінің баспасөз қызметі табылған адам туралы ақпаратты растады. Ведомствода жәбірленушінің жеке басы анықталғаны атап өтілді.
"Дерек бойынша ҚК-нің 106-бабы 1-бөлігі "Денсаулыққа қасақана ауыр зиян келтіру" бойынша қылмыстық іс тіркелді. Қазіргі уақытта болған оқиғаның мән-жайын анықтау үшін қажетті іс-шаралар жүргізіліп жатыр", - деп хабарлады Қарағанды облысы ПД баспасөз қызметі.
Естеріңізге сала кетейік, бұған дейін Шығыс Қазақстан облысының Шемонаиха қаласында 70 мың теңге үшін 73 жастағы зейнеткерді ұрып-соғып, байлап тастаған болатын. Полиция күдіктілерді ұстап, олар 1960 және 1981 жылы туған жергілікті, бұрын сотталған тұрғындар екенін анықтады. Дерек бойынша ҚК "Тонау" 191-бабы 3-бөлігі бойынша сотқа дейінгі тергеу басталды.
