Қазақстанға кіру үшін виза талап етілмейтін шетелдіктер елде 30 күн бола алады.
ERNUR.KZ. Ішкі істер министрлігі иммигранттардың Қазақстанға кіру және елде қалу ережелерінің қалай өзгеретінін түсіндірді, деп жазады stan.kz.
Иммигранттардың Қазақстанға келу және елде қалу ережесіне енгізілген өзгертулерге сәйкес, Қазақстанға кіру үшін виза талап етілмейтін шетелдіктер елде 30 күн бола алады. Бірақ 180 күн (алты ай) ішінде олардың жалпы болу мерзімі 90 күннен аспауы керек.
"Қазақстанға келген ЕАЭО азаматтары 180 күн ішінде тек 90 күн ғана республика аймағында бола алады. Ереженің алдыңғы нұсқасында бұл мәселе шешілмеген болатын. Шетелдіктер ел аумағында болу мерзімі аяқталғаннан кейін Қазақстаннан шығып, қайта кіре алатын еді. Қазір бұл шарттарға өзгеріс енгізілді", – деп атап өтті министрлік.
Жаңа шектеулер кезінде уақытша тұруға рұқсат немесе виза алған шетелдіктерге қолданылмайтыны атап өтілді. Басқарма осындай талаптардың халықаралық тәжірибеде де қолданылатынын атап көрсетеді. Атап айтқанда, Қазақстан азаматтары Беларусь пен Ресей аумағында 180 күн ішінде 90 күннен аспайтын мерзімде бола алады.
Сонымен бірге, "Құқықтық актілер туралы" Заңға сәйкес нормативтік құқықтық актінің күші ол қолданысқа енгізілгенге дейін кіргендерге қолданылмайды. Яғни, ережеге енгізілген өзгерістер 2023 жылдың 27 қаңтарынан бастап Қазақстанға келген шетелдіктерге қатысты болады.
"Егер Қазақстанға кірген кезде белгіленген және рұқсат етілген ел аумағында қалу мерзімінен асып кеткені анықталса, Шекара қызметі "Халықтың көші-қоны туралы" заңның 48-бабына сәйкес елге кіруге шектеу қояды", – деп қорытындылады министрлік.
