ШҚО-да "коронавирус" бұршақ жауды (видео)

ERNUR.KZ. Шығыс Қазақстан облысында дауыл болып, бұршақ жауды, деп жазады tengrinews.kz.

Телеарна мәліметінше, электр желілері үзіліп, ондаған ағаш сынып, үш тұрғын үйдің шатыры бүлінген.

Жергілікті тұрғындар бұршақты ерекше пішініне қарай "коронавирусқа" ұқсатқан. Тұрғындар бұршақтың пішінін вирустың "тікенек" молекуласына ұқсатқан.

Өскеменде бір сағат ішінде айлық жауын-шашын жауды. Көшелер су арналарына айналды. 10 коммуналдық топ суды шұғыл сорып, нөсер құдықтарын қолмен тазартуға мәжбүр болды. Өңірде алдағы күндергеде де дауылды ескерту жарияланды.