Оқиға Алтай ауданы, Октябрьский ауылында болды. Матросова мен Энгельс көшелерінің қиылысынан өртенген "Mazda" табылды.
ERNUR.KZ. Бұл туралы yknews.kz парақшасында хабарлады, деп жазады Экспресс К.
"Өрт сөндірілгеннен кейін көліктен ер адамның денесі табылды. Аталған дерек бойынша ҚК-тің 204-бабы, 2-бөліміне (Бөтеннің мүлкін абайсызда жою немесе бүлдіру, отпен немесе қауiптiлігі жоғары өзге де көздермен абайсыз жұмыс iстеу арқылы жасалған не ауыр зардаптарға әкеп соққан немесе аса ірі залал келтірген іс-әрекет) сәйкес сотқа дейінгі тергеу жұмыстары басталды",- деп мәлімдеді ШҚО ПД-нің баспасөз қызметі.
Қазіргі уақытта оқиғаның мән-жайы анықталып жатыр. Марқұмның жеке басын анықтау үшін қажетті сараптамалар тағайындалды.
