Балалар мылтық даусын естіп, не болып жатқанын көруге барған және бейтаныс ер адамның итке оқ атқанын көрген. Жараланған жануар шалшыққа құлап кеткен. Оның күшіктері бар болып шықты, оларға ауыл тұрғындары тамақ беріп жүрген.
ERNUR.KZ. Шығыс Қазақстан облысының тұрғыны 9 наурызда балалардың көзінше итті атып тастады, деп жазады zakon.kz.
Еріктілердің айтуынша, балалар мылтық даусын естіп, не болып жатқанын көруге барған және бейтаныс ер адамның итке оқ атқанын көрген. Жараланған жануар шалшыққа құлап кеткен. Оның күшіктері бар болып шықты, оларға ауыл тұрғындары тамақ беріп жүрген.
Еріктілер жараланған жануарды Өскемендегі ветеринарлық клиникаға жеткізді. Олар ит тірі қалады деп болжап отыр, бірақ "артқы табаны ештеңені сезбейді".
"102" арнасына Глубоковский ауданының тұрғынынан бейтаныс біреудің итті атып кеткені туралы хабар түсті. Оқиғаны көрген болуы мүмкін куәгерлерден жауап алынды. Қазіргі уақытта қылмыскерді анықтау, ұстау және жауапкершілікке тарту шаралары жүргізіліп жатыр", - деп мәлімдеді Шығыс Қазақстан облыстық полиция департаментінің баспасөз қызметі.
