Тау-шаңғы курорты сондай-ақ 2 қаңтардағы жұмысы туралы хабарлады.
ERNUR.KZ. Әлеуметтік желіде "Шымбұлақ" тау курортында ұзын-сонар кезек көрсетілген видео шықты, деп жазады Kazinform.
"Демалыстағы Шымбұлақ - жүйкесі әлсіздер баратын жер емес", – деп жазылған видеодағы жазбада.
Осыған байланысты "Шымбұлақ" тау-шаңғы курорты түсінік берді.
"Құрметті қонақтар, түскі уақытта көлік қозғалысы көбейетіндіктен, курортқа алдын ала келулеріңізді сұраймыз. Аспалы жолға отыру үшін кезек бар. Сағат 15:00-18:00 аралығында қонақтар ағыны көбейеді.
Курорттың ахуалы туралы ақпаратты біздің онлайн камераларымыздан көре аласыз. Жоғары маусымда осы уақытша өзгерістерді ескеріңіз. Бұл қонақтар ағынын теңестіруге қажет шара", - деп хабарлады "Шымбұлақ" тау шаңғы қурорты.
Тау-шаңғы курорты сондай-ақ 2 қаңтардағы жұмысы туралы хабарлады.
"Курорт 8:30-дан 00:00-ге дейін жұмыс істейді. Күндіз-түні шаңғы тебуіңізге болады.
2 қаңтар күні 2 тариф болады: таңғы және толық тариф.
Таңғы тариф (таңертеңгі күн) 8:30-дан 13:30-ға дейін (төмен түсу 13:30-ға дейін) жарамды.
Толық күндік тариф 8:30-дан 17:00-ге дейін жарамды (төмен түсу 00:00-ге дейін)", - делінеді хабарламада.
Баспасөз қызметі 3 қаңтардағы жағдай бойынша ақпарат кейінірек жаңартылатынын айтты.
Еске салайық, «Шымбұлақ» тау курорты SKI BUSINESS AWARDS нұсқасы бойынша 2023 жылғы үздік тау шаңғысы курорты атанған болатын.
