Астанада көшпелі бұлт шығады, кейде жаңбыр жауады.
ERNUR.KZ. Синоптиктер Қазақстанда 28 маусымға арналған ауа райы болжамын ұсынды, деп жазады zakon.kz.
«Қазгидромет» РМК мәліметінше, еліміздің басым бөлігі солтүстік-батыс циклонының және атмосфералық фронтальды учаскелердің ықпалында болады. Соның әсерінен республиканың батысында және шығысында найзағай ойнап, қатты жаңбыр жауады.
Ауа райы болжамы бойынша тек республиканың оңтүстік-батысында жауын-шашынсыз ауа райы сақталады.
"Республиканың басым бөлігінде жел әлі де күшейеді. Батыста, солтүстікте, шығыста, орталықта бұршақ жауады, боран соғады, солтүстікте тұман түседі", - деді синоптиктер.
Астанада көшпелі бұлт шығады, кейде жаңбыр жауады. Солтүстік-батыстан соғатын желдің күші секундына 9-14 метр, кейде 15-20 м/с. Ауа температурасы түнде +9+11°С, күндіз +20+22°С.
Алматыда көшпелі бұлт шығады, аздап жаңбыр жауады, күндіз найзағай ойнайды. Батыстан соғатын желдің күші секундына 3-8 метр, найзағай кезінде екпіні 13 м/с. Ауа температурасы түнде +19+21°С, күндіз +30+32°С.
Шымкентте көшпелі бұлт шығады, жауын-шашынсыз. Солтүстік-батыстан екпіні секундына 8-13 метр болатын жел соғады. Ауа температурасы түнде +17+19°С, күндіз +31+33°С.
