"СҚ-Фармация" басшысының кеңесшісі журналистерге шүйлікті

0
220

Ккомпанияның баспасөз қызметі өкілдері жазбаға қатысты пікір білдірді.


ERNUR.KZ. "СҚ-Фармация" басшысының кеңесшісі Салтанат Искаринова Facebook-тегі парақшасында журналистерден "хайп" іздемей, "жұмыс істеуді" сұрады, деп жазады Tengrinews.kz.


Кейінірек кеңесші парақшасынан жазба жоғалып кетті.

"СҚ-Фармация" компаниясының баспасөз қызметі өкілдері жазбаға қатысты пікір білдірді. Олар басшылық қызметкерге қатысты шара қабылдайтынын мәлімдеді.

"Кешірім сұраймыз. Ол жақында ғана кеңесші лауазымына келген, ол БАҚ-пен жұмыстың қыр-сырын түсінбей, журналистерге осындай мәлімдеме жасады. Осы жағдайға байланысты міндетті түрде шаралар қабылдаймыз. Бірінші басшылық шара қабылдайды", - деп хабарлады "СҚ-Фармация" баспасөз қызметі өкілі.

Ал Салтанат Искаринова Facebook-тегі парақшасында жаңа жазба қалдырды, онда журналистерден кешірім сұрады.

"Мен, Салтанат Искаринова "СҚ-Фармацияның" кеңесшісі, жеке өзімнен және "СҚ-Фармация" компаниясының атынан журналистер мен барлық БАҚ-тан осы мәлімдемем үшін кешірім сұраймын. Енді қайталанбайды, тағы да кешірім сұраймын", - деп жазды кеңесші.

Еске салайық, шілдеде Президент Қасым-Жомарт Тоқаев компанияны сынға алған болатын. Кейінірек компания басшылығы ауысып, "СҚ-Фармация" бұрынғы басшысына қылмыстық іс қозғалған.

Пікір қалдыруыңыз үшін сайтқа кіруіңіз қажет